جوڑ میلہ 2023 (گوروارجن دیو جی شہیدی تقریبات) اختتام پذیر ہو گئیں

لاہور(ایم این پی)جوڑ میلہ 2023 (گوروارجن دیو جی شہیدی تقریبات) اختتام پذیر ہو گئیں .جوڑ میلہ کی مرکزی تقریب
گورودوارہ شری ڈیرہ صاحب لاہور میں منعقد ہوئی.جوڑ میلہ تقریبات میں بھارتی سکھ یاتریوں کے علاوہ پاکستان کے مختلف شہروں سے 25 سکھ جتھے بھی شریک ہوئے .ایڈیشنل سیکرٹری شیرائنز رانا شاہد سلیم نے سکھ یاتریوں کا استقبال کیا، ڈپٹی سیکرٹری شیرائنز سیف اللہ کھوکھر بھی ان کے ہمراہ تھے.پاکستان سکھ گورودوارہ پربندھک کمیٹی کے پردھان سردار امیر سنگھ نے کمیٹی ممبران اور سابق پردھان سردار ستونت سنگھ و دیگر بھی تقریب میں موجود تھے.جوڑ میلہ کی مرکزی و اختتامی تقریب میں ہمسایہ ملک بھارت سے جمعرات کی صبح پاکستان پہنچنے والے راغب گروپس نے سماع باندھ کیا.نانک نام لیواوں نے کیرتن اور ارداس سمیت دیگر مذہبی رسومات ادا کیں.متروکہ وقف املاک بورڈ اور پاکستان سکھ گورودوارہ پربندھک کمیٹی کی جانب سے مہمانوں کو سروپے پیش کئے گئے.بھارتی سکھ یاتریوں کے پردھان سردار گوربچن سنگھ و دیگر نے ننکانہ صاحب، حسن ابدال، سچا سودا،روہڑی صاحب، کرتار پور اور لاہور کی یاترا اور انتظامات کو لاجواب قرار دے دیا.واہگہ چیک پوسٹ کے راستے پاکستان آمد سے لے کر گورودوارہ شری ڈیرہ صاحب تک جو محبت، پیار، مان دیا گیا، اس پر حکومت پاکستان کے مشکور ہیں، سردار گوربچن سنگھ.دین اسلام میں مہمان نوازی کو خصوصی اہمیت دی گئی ہے، آپ سب لوگ ہمارے مہمان ہیں، آپ کی سیوا کرکے اپنا قومی و مذہبی فریضہ ادا کر رہے ہیں، رانا شاہد سلیم .پاکستان میں بسنے والے غیر مسلموں کی مذہبی عبادت گاہوں اور ان کے جان و مال کے تحفظ کو خصوصی طور پرفوکس کیا جاتا ہے، ایڈیشنل سیکرٹری شیرائنز .پاکستان میں بسنے والے سکھ، ہندو، عیسائی، پارسی، بہائی مذہب کے پیروکاروں کو تمام آئینی حقوق حاصل ہیں، رانا شاہد سلیم.دنیا بھر میں بسنے والے نانک نام لیواوں کے دل ایک ساتھ دھڑکتے ہیں، سردار امیر سنگھ.پاکستان میں غیر مسلم شہریوں کو جتنی مذہبی آزادی حاصل ہے، شاید دنیا میں کہیں اور حاصل نہیں ہے، ردھان پاکستان سکھ گورودوارہ پربندھک کمیٹی .ہماری خواہش ہے کہ زیادہ سے زیادہ تعداد میں نانک نام لیوا پاکستان آکر گورونانک دیو جی کی ہوتر دھرتی پر موجود پوٹر استھانوں کی یاترا کریں، سردار امیر سنگ .بھارتی سکھ یاتری آج لاہور شہر کے مختلف تاریخی مقامات کی سیر بھی کریں گے.بھارتی سکھ یاتری کل ہفتہ کو واہگہ چیک پوسٹ راستے بھارت واپس چلے جائیں گے