محکمہ صوبائی محتسب شکایات کو خوش اسلوبی سے حل کررہا ہے: میجر (ر) اعظم سلیمان

لاہور (ایم این پی) صوبائی محتسب میجر (ر) اعظم سلیمان نے کہا ہے کہ اب تک موصول ہونے والی 95 فیصد شکایات کا ازالہ کر دیا گیا ہے۔ صوبائی محتسب معاشرے کے تمام طبقات کے لیے بلا معاوضہ انصاف کی فراہمی کو یقینی بنانے کے لیے پرعزم ہے۔وہ لاہور چیمبر آف کامرس اینڈ انڈسٹری میں خطاب کر رہے تھے۔ لاہور چیمبر کے صدر کاشف انور نے خطبہ استقبالیہ پیش کیا جبکہ ایگزیکٹو کمیٹی کے اراکین بھی موجود تھے۔میجر (ر) اعظم سلیمان نے کہا کہ صوبائی محتسب نے ہیلپ لائن 1050 کے اجراءسمیت نمایاں کامیابیاں حاصل کی ہیں۔ ادارے کو 24/7 کی بنیاد پر ڈیجیٹلائز اور فعال بنایا گیا۔ صوبائی محتسب پنجاب کے تمام اضلاع میں کام کرنے والے محتسب کے علاقائی دفاتر کے ساتھ ہم آہنگ ہے اور ہیلپ لائن شکایات پر فوری کارروائی کررہا ہے۔ انہوں نے کہا کہ صوبائی محتسب تفتیشی افسر کی کارکردگی کی نگرانی کررہا ہے۔ صوبائی محتسب نے 5 اضلاع میں علاقائی دفاتر کی عمارتیں بھی تعمیر کی ہیں ۔انہوں نے مزید کہا کہ صوبائی محتسب پولیس، ریونیو ایڈمنسٹریشن، لوکل گورنمنٹ، محکمہ ہاو¿سنگ، صحت اور تعلیم کے شعبوں سے متعلق شکایات کو احسن طریقے سے حل کررہا ہے۔ انہوں نے کہا کہ اگر کوئی صوبائی محتسب کے فیصلوں پر نظرثانی کرنا چاہتا ہے ،جو بہت کم کیسز میں ہوتا ہے تو وہ گورنر پنجاب سے اپیل کر سکتا ہے۔ اگر گورنر کے فیصلے پر اعتراض ہے تو وہ ہائی کورٹ جا سکتا ہے لیکن ایسے کیسز کی تعداد بہت کم ہے۔ زیادہ تر لوگ صوبائی محتسب کے فیصلوں کو تسلیم کرتے ہیں۔انہوں نے کہا کہ صوبائی محتسب نہ صرف لوگوں کی شکایات کا ازالہ کرتا ہے بلکہ بیواو¿ں، غیر قانونی ہاو¿سنگ سوسائٹیوں کے متاثرین وغیرہ کے مسائل بھی حل کرتا ہے، اس کے علاوہ پنجاب کے تمام قبرستانوں کی دیکھ بھال کا کام بھی صوبائی محتسب نے کیا ہے۔ انہوں نے کہا کہ اس کے علاوہ صحت کے شعبے میں سہولیات کی کمی جیسے ہسپتالوں میں سی ٹی سکین مشین، ایکسرے وغیرہ کی عدم دستیابی کو صوبائی محتسب دیکھتا ہے، صوبائی محتسب سیکرٹری صحت کو بلا کر صحت کے شعبے میں سہولیات کی فراہمی کو یقینی بناتا ہے۔صوبائی محتسب نے کہا کہ اگر پیرا میڈیکل سٹاف، ڈاکٹرز اور نرسز کی کمی ہے تو ہم بھی اس مسئلے سے نجات کے لیے اپنا کردار ادا کرتے ہیں۔ صوبائی محتسب بھرتی کے عمل کو بہتر بنانے کے لیے تجاویز بھی دیتا ہے۔ انہوں نے کہا کہ صوبائی محتسب تعلیم کے شعبے میں سہولیات کی کمی کو دور کرنے کے لیے بھی اپنا کردار ادا کرتا ہے۔ انہوں نے کہا کہ صوبائی محتسب ایک خودمختار ادارہ ہے جو بغیر چارجز کے لوگوں کے مسائل حل کرتا ہے۔ انہوں نے کہا کہ لاہور چیمبر کے فوکل پرسن کا تقرر آج سے کر دیا جائے گا۔ انہوں نے کہا کہ درخواست گزار کے لیے پیش ہونا لازمی ہے۔ انہوں نے کہا کہ بہت سے لوگ صوبائی محتسب کے کام کے بارے میں نہیں جانتے۔ وہ نہیں جانتے کہ یہ ایک ایسا ادارہ ہے جو مفت انصاف فراہم کرتا ہے۔ سرکاری افسران کے خلاف درخواستیں موصول ہونے پر بھی صوبائی محتسب نہ صرف انکوائری کرتا ہے بلکہ لاہور چیمبر کے صدر کاشف انور نے کہا کہ محتسب کے دفاتر کا ہونا کسی اعزاز سے کم نہیں جس سے عام لوگوں کو کسی بھی سرکاری ادارے سے شکایت کی صورت میں جلد از جلد ازالے یا کسی بھی مسئلے کو جلد از جلد حل کرنے میں مدد ملتی ہے۔انہوں نے کہا کہ صوبائی محتسب کے دفتر کو ہراسمنٹ کے بہت سے کیسز موصول ہو رہے ہیں۔ لاہور چیمبر اس حوالے سے ہمیشہ آواز اٹھاتا رہا ہے کیونکہ اگر ملازمت پیشہ یا کاروبار کرنے والی خواتین کی ایسی شکایات کا بروقت ازالہ نہ کیا گیا تو ان کا کیریئر متاثر ہوگا۔لاہور چیمبر کے صدر نے کہا کہ صوبائی محتسب کی طرف سے واضح ہدایات جاری کی جائیں کہ ایسی تمام جگہوں، دفاتر، دکانوں یا فیکٹریوں میں جہاں خواتین کام کرتی ہیں وہاں سی سی ٹی وی کیمروں کی تنصیب کو یقینی بنایا جائے۔ کسی بھی ناخوشگوار واقعے کی صورت میں، عدالت یا جیوری کے پاس اس کی خوبیوں پر فیصلہ کرنے کے لیے ٹھوس ثبوت ہوں گے۔ اس سے ایسے بے ایمان لوگوں کو سزا دینا اور بے نقاب کرنا بھی آسان ہو جائے گا۔ انہوں نے صوبائی محتسب کو بتایا کہ لاہور چیمبر کے احاطے میں ون ونڈو سمارٹ سروسز کے تحت وفاقی اور صوبائی محکموں کے متعدد ہیلپ ڈیسک کام کر رہے ہیں جن میں سمیڈا، ایکسائز اینڈ ٹیکسیشن، لیسکو، واسا، ایل ڈی اے، ایف بی آر، لیبر ڈیپارٹمنٹ، پی ایس آئی، پی آئی اے، پنجاب بینک، ڈرائیونگ لائسنس اور دیگر ادارے شامل ہیں۔ لاہور چیمبر کے صدر نے کہا کہ اس کے علاوہ ہمارے ممبران لاہور چیمبر میں نادرا، پاسپورٹ فیسیلیٹیشن سنٹر اور پولیس سروس سنٹر اور نادرا ای سہولت وغیرہ سے بھرپور فائدہ اٹھا رہے ہیں۔ لاہور چیمبر پاکستان کی واحد تنظیم ہے جو اپنے ممبران کو ایک ہی چھت کے نیچے اتنی سہولیات فراہم کرتی ہے۔ انہوں نے کہا کہ لاہور چیمبر اور صوبائی محتسب کے درمیان ہیلپ ڈیسک کے قیام کے لیے ایم او یو پر دستخط کیے جائیں۔