لیجینڈ آرگنائزر و کرکٹر جاوید چانڈیو و تاج محمد شوکی یادگاری ٹورنامینٹ کا انعقاد شاندار ہے۔پرویز شیخ

کوٹری(ایم این پی)سچل گرائونڈ کوٹری پر جاری”لیجینڈ آرگنائزر و کرکٹر جاوید چانڈیو و تاج محمد شوکی یادگاری T.20 کلرکٹ کرکٹ ٹورنامینٹ کا انعقاد شاندار ہے”۔ان خیالات کا اظہار سیکریٹری سندھ بیس بال ایسوسی ایشن، ممبر سندھ اولمپک و میڈیا مینیجر پاکستان فیڈریشن بیس بال نے سچل گرائونڈ کوٹری پر جاری بابائے کرکٹ کے نام سے مشہور کرکٹ آرگنائزر مرحوم جاوید احمد چانڈیو اور لیجنڈ کرکٹر مرحوم تاج محمد شوکی میموریل ایونٹ کے لیگ میچ کے موقع کہی۔انہیں نوجوان آرگنائزنگ سیکریٹری حسین بخش قمبرانی نے مدعو کیا تھا۔انہوں نے مذید کہا کہ اس قسم کے ایونٹس کا انعقاد بہت ضروری ہے تاکہ نہ صرف ماضی کے درخشاں ستاروں کو خراج عقیدت پیش کیا جاسکے بلکہ انکی صلاحیتوں اور کارکردگی کو نوجوان کھلاڑیوں کے سامنے اجاگر ہو اور یہ سلسلہ جاری و ساری رہے۔انہوں نے تمام اسپورٹس آرگنائزرز، سابق و موجودہ کرکٹرز و مرحوم کے قدردان ساتھیوں اور ٹورنامینٹ کمیٹی کے صدر ہردلعزیز عبدالخالق قمبرانی، سیکریٹری حسین بخش قمبرانی، غلام حسین برفت، پرویز خان، قدیر جمالی اور دیگر کے ساتھ مل جل کر ایونٹ کو کامیاب کرنے کے عزم کا اعادہ کیا۔قبل ازیں مہمان خصوصی پرویز احمد شیخ، اعزازی مہمان مقصود انڑ کو ظفر قمبرانی اور پرویز خان نے اجرک پہنائیں۔ اس موقع پر جاری لیگ میچ میں کوٹری کے قدیم و معروف سچل کرکٹ کلب نے ایکٹیو کینولا کرکٹ کلب کو 2 وکٹوں سے ہرا دیا۔ پہلے کھیلتے ہوئے ایکٹیو کینولا 134 رنز بنا کر آئوٹ ہوگئی۔بابر خان 62 اور لیاقت 20 رنز بنا کر نمایاں رہے۔ وسیم برفت اور تابیر نے تباہ کن بائولنگ کرتے ہوئے صرف 13 اور 8 رنز دے کر بالترتیب 4 اور 3 وکٹیں حاصل کیں۔جواب میں سچل کلب نے مطلوبہ حدف 8 وکٹوں کے نقصان پر ایک اوور قبل حاصل کرلیا۔اعجاز نے 42 جبکہ فراز نے ناقابل شکست 20 رنز بنائے۔ بابرخان اور ظفر نے 2-2 وکٹیں حاصل کیں۔وسیم برفت اور فراز کو مہمان خصوصی پرویز احمد شیخ، اعزازی مہمان مقصود انڑ نے مشترکہ مین آف دی میچ ایوارڈ دیا۔ میچز کو ندیم قمبرانی، مجید قمبرانی نے سپروائز کیا جبکہ فہد قمبرانی اسکورر تھے۔ اس موقع پر انور قمبرانی، رافع صدیقی، ظہیر مگسی، زاکر خشک، کامران جٹ، سعادت علی، بابر سموں اور دیگر موجود تھے۔